حلم ينال
وآخر سرا يقال
وثالث صعب المنال
ورابع شبه محال
وخامس يرجو الزوال
وسادس أن لا يكون لديك فى الدنيا عيال
وسابع هو أن تعيش بلا رفيق فى الجبال
وثامن أن تملك العمر المديد لتحمل الهمم الثقال
وتاسع أن لا تكون بمركز هم يدعون بأنه صنع الحال
وحول الكابوس فرحة محبط بلغ المنال
وعاشر أن لا نعيش بغير ذكرك يا جمال
انسخ وقل حفظا ليوم قد يكون له مقال
**
على الكيبورد بكتب لك ولا عارف لأمتى هعيش
أألف شعر وارمى كلام لناس دراويش
لا لاقيين بيت ولا رغيف عيش
ولا حتى حداهم حلم يملاهم
وعاوزين كل يوم يمشى
ولا بيمشيش
**
صباح الخير
صباح جايز يكون رحله مع التكدير
وشايل فوقه هم كبير
موش انت قلت انواع الدموع عشرة
اقول لك ايه لاهم عشره ولا عشرين
دول اكتر واسأل العارفين
ما قلتش دمعة البايت على سكينة من صاحبه
ولا دمعة واحد ملقاش سرير فى عنبر المجانين
وصاحبتنا
ماجستيرها كت امبارح
وعشرين شهر تاخد دكتوراه وتهيص
زمن تخليص
لا حد بيقرا ولا يكتب ولا حتى ف كلامه حريص
عليك باثنين
من الملاعين
يقولوا انك
مفيش منك
فريد عصرك
وتستاهل شهادة نوبل الكبرى
ويعطوا حضرتك ترخيص
كده الدنيا ف بلادنا دى
ولو ممعاكش اعدادى
وحتى ان كنت حدادى
هتبقى بس بالتنصيص
شهاده وهيص
وسوق الدنيا أدامك
وقول كل اللى يحلى لك
معاك ترخيص
عشان تفتى على المنبر
تلاقى كلامك الهايف بقى سكر
وناس عماله تستنظر
سيادتك تطلع المنبر
وتخطب خطبتك عصماء
وكاميرا هناك بتصور
سيادتك لو بتفتى رخيص
معاك رخصة
وحق الفتوى
بالتلبيص
بلد عايشه على التخليص
**
انا الوقتى مزاجى طين
ليلاتى حزين
على بلدى اللى كانت شمعة للتايهين
على بلدى اللى كانت قبلة للراكعين
على بلدى اللى هدوها
وفوق التل حطوها
جسد ميت مفيهش انين
والف وادور على بلدى
أقول الحلوة راحت فين
أقول الصابرة راحت فين
أقول العزة راحت فين
وبسمتها مين اللى خطفها
ورماها مع المجانين
صباحك فل يا أيمن
بقول نسكت بقى أحسن
نعيش ذى الخلايق دى ما هم عايشين
تشوف لك بردو سبوبه عشان أكل العيال غالى
بلا مكه بلا حطين
لا هنعيد الزمن تانى
ولا هنعقل المجانين
ولا هنعالج المكسور
ولا بغداد ولا فلسطين
صباح الذل ع الغافلين
**
شعر
الاشتراك في:
تعليقات الرسالة (Atom)
3 التعليقات:
كلما أحسست بالغربة وخشيت أن تموت مشاعرى ، ابحث عن قصائدى القديمة وأعيد شحن بل شحذ مشاعرى لأتزود بطاقة البقاء
قصائد جميلة تشخذ المشاعر حقا
سوزان السقا ، هل بعد هذا العمر ؟ سبحان الله .